Draft Copy

2. IWI POAKA KŌHUATIA

Momo Kai

1. Iwi Poaka - 3-4 kiro kereme (kk) (tiehutia ki te wai mātao)

2. 8-12 - Rīwai, rahi haurua, waruhia, horoia, tapahia hauruatia,

whakaritea kia 2-4 poro rīwai mo ia tangara.

3. Kūmara - 4 kūmara rahi haurua. Waruhia, horoia, tapahia hauwhātia.

4. Wairikiriki, Pūhā rānei – kōurutia ki te wai.

Tikanga Mahi

Whakaritea te Wairikiriki, te Pūhā rānei, (ā, tētehi atu rau kākāriki rānei) 30 meneti pea i mua tata o te maoatanga o ngā iwi poaka, kia mou tonu ai te matamatanga o ngā rāu. Me whai ipu rahi tonu he whāngai i te whānau toko ono. Kā maoa te wairikiriki me te pūhā, e hekenui tonu ana tōna nui.

• Wairikiriki - Tapahia atu ngā peka raro me te ata horoi i te toenga o ngā rau, ka uhi, ka waiho ki tahaki

• Pūhā - Tapahia atu ngā ūpoko o ngā pūhā, ngā putiputi me ngā peka raro. -Ata kourutia ki te wai me te whakahou i te wai, ka kouru ano. Ka pērātia
  ano mo te 2-3 wā. Uhia ki te tauira mākū ka waiho ki tahaki

1. Raua atu ngā iwi poaka kua kourutia ki te wai ki tētehi kōhua nui, ka whakakī ki te wai ki runga ake o ngā kōiwi. Tunua kia koropupū ka waiho kia mirumiru mai i te weranga ngāwari mo te 2 ki te 2-1/2 hāora, me te whakakī tonu ki te waiwera ki runga ake i ngā kōiwi i te wā e tunu ana.

2. Raua atu ngā rīwai me ngā kūmara ki te kōhua kua tata maoa ngā iwi poaka me te whakapiki ngāwari i te wera. Kia tūpato, kia noho tonu te wai i runga ake o ngā hua whenua. Tunua mo te 20 ki te 30 meneti, ā, ka tango ake i te wā e āhua matamata tonu ana ngā hua whenua.

3. Raua atu te wairikiriki ki ngā iwi me ngā huawhenua. Mētia atu ki runga i ngā kūmara me ngā rīwai me te whakatūpato e kōuru tonu ana i te wai. Kia ngāwari te tunu mo te 15 meneti, ka raua atu ngā poro paraoa, a, tametame rānei, kā waiho noa iho kia tunu. Kauā e kōroria, ā he tikanga ano tēnei (arā te rū tote atu ki tōna rekanga, ā he apiti kīnakinaki i te wā e tohatia ana āra ki runga i te wairikiriki) kā tunu kia ngāwari.

4. Tātaritia ake te wai ka toha me te paraoa Māori i te maoatanga o te wairikirirki, te poro paraoa, te tametame rānei, kua ata maoa ā roto mai.

E kai i te kai, engari kia tūpato

He kai tā te tangata!

He kai tā te kararehe!

He kai tā te ahi! ............................................ Ae! He taniwha kai tangata! (the.W)